Home
સ્પોર્ટસ
રોહિતની સદી અને રિંકુ સિંહની ફિફટી છતાં કોને મળ્યો પ્લેયર ઓફ ઓફ ધ સિરિઝ એવોર્ડ...?

રોહિતની સદી અને રિંકુ સિંહની ફિફટી છતાં કોને મળ્યો પ્લેયર ઓફ ઓફ ધ સિરિઝ એવોર્ડ...?

10:31 AM January 18, 2024 admin

ટીમ ઈન્ડિયાએ અફઘાનિસ્તાન સામેની ત્રીજી T20 મેચમાં શાનદાર જીત નોંધાવી છે. આ મેચમાં રોહિત શર્માએ શાનદાર સદી ફટકારી હતી, જ્યારે રિંકુ સિંહે શાનદાર અડધી સદી ફટકારી હતી. આ મેચમાં બંને ટીમએ 212 રન કર્યા હતા. જે બાદ એક નહીં પરંતુ બે સુપર ઓવર રમાઈ હતી. જેમાં ભારતીય ટીમે રોમાંચક જીત હાંસલ કરી હતી. આ મેચ માટે રોહિતને 'પ્લેયર ઓફ ધ મેચ' પસંદ કરવામાં આવ્યો હતો. પરંતુ સવાલ એ છે કે આ T20 સિરીઝમાં કયા ખેલાડીને પ્લેયર ઓફ ધ સિરીઝનો એવોર્ડ આપવામાં આવ્યો હતો?

T20 Series India vs. Afghanistan - t20 world cup 2024 - shivam dube player of the series - rohit sharma man of the match - t20 series of india vs. aghanistan who win live score result Winner india in gujarati - Sports news in gujarati

► શિવમ દુબે બન્યો પ્લેયર ઓફ ધ સિરીઝ

વાસ્તવમાં મેચ બાદ શિવમ દુબેને પ્લેયર ઓફ ધ સિરીઝનો એવોર્ડ આપવામાં આવ્યો હતો. તેણે પ્રથમ બે T20 મેચમાં શાનદાર અડધી સદી ફટકારી હતી. જ્યારે ત્રીજી ટી20 તેના માટે કંઈ ખાસ પર્ફોર્મન્સ આપ્યું ન હતું. શિવમ દુબેએ ઈન્દોરમાં અફઘાનિસ્તાન (IND vs AFG) સામે રમાયેલી બીજી T20માં અણનમ 63 રનની મેચ વિનિંગ ઇનિંગ રમી હતી. આ પહેલાની મેચમાં તેણે મોહાલી T20માં પણ અણનમ 60 રન બનાવ્યા હતા. ભારતે બંને T20 મેચ 6 વિકેટે લીધી હતી.

► શિવમ દુબેની T20 રેન્કિંગ સારી થઈ

દુબેએ મેચ બાદ કહ્યું કે, ઓલરાઉન્ડર તરીકે તમે હંમેશા પ્લેયર ઓફ ધ સિરીઝ બનવા ઈચ્છો છો અને આ કંઈક નવું છે જે મેં મારા જીવનમાં હાંસલ કર્યું છે અને તે મારા માટે ખરેખર બેસ્ટ છે. તમને જણાવી દઈએ કે શિવમ દુબે T20 રેન્કિંગમાં 58માં નંબર પર આવી ગયો છે. તેનું રેટિંગ 472 થઈ ગયું છે.

► શિવમ દુબેને વર્લ્ડ કપ 2024માં મળશે તક ?

શિવમ દુબેને વર્લ્ડ કપ 2024માં તક મળે છે કે નહીં તે જોવું રસપ્રદ રહેશે. જોકે આઈપીએલમાં ખેલાડીઓના પ્રદર્શનને ધ્યાનમાં લઈને પસંદગીકારો વર્લ્ડ કપની ટીમ જાહેર કરશે. આવી સ્થિતિમાં શિવમ દુબેએ ઈન્ડિયન પ્રીમિયર લીગમાં શાનદાર પ્રદર્શન કરવું પડશે.